EVENTOS│PRESENTACIÓN DE AMORODIOS ➤ El Muelle 1931 Shop (◉‿◉)
PRESENTACIÓN DE AMORODIOS
"Presentación en directo de Amorodios, o novo disco de Xan Campos"
XAN CAMPOS
+ Faia Díaz & Virxilio da Silva
Sábado 11 Abril | 18:00 h
📍 ElMuelle1931 Shop (Rúa de San Pedro, 57)
➤ Entrada de balde ata completar aforo
シ
Xan Campos é unha das voces máis persoais e recoñecidas do jazz ibérico contemporáneo. Formado en conservatorios de Alemaña, Países Baixos e Dinamarca, desenvolveu unha linguaxe propia que combina a liberdade do jazz actual coa súa persoal e creativa visión da música. Con seis discos como líder e máis de trinta como sideman, colaborou con destacadas figuras da escena internacional.
A súa música caracterízase pola experimentación rítmica, a riqueza harmónica e unha forte identidade melódica, integrando influencias que van da electrónica ao impresionismo, pasando polo folclore galego, o pop ou o rock progresivo.
O seu último traballo, Amorodios, é un disco de jazz contemporáneo cunha marcada presenza da tradición galega, que cristaliza a través da voz de Faia Díaz. Ao longo de sete composicións orixinais, o proxecto móvese entre a raíz e a experimentación, ampliando os límites da música improvisada cunha sonoridade aberta e persoal.
Completan a formación Virxilio da Silva no baixo eléctrico e Iago Fernández na batería.
Bandcamp:
https://xancampos.bandcamp.com/album/amorodios
+ Info:
───◎─────────────